نیلو_فر-#جگر_کی_گرمی : – ☆درد_شقیقہ : –

#نیلو_فر : – مولانا حکیم سیف اللہ طالب قاسمی میرٹھی )

ایک خوبصورت پھول ھے۔
کچھ لوگ اسے کنول بھی کہتے ہیں۔
پانی کے اندر خاص طور پر کھڑے پانی میں، گہرے تالابوں‘ جھیلوں میں اس کا پودا ھوتا ھے۔
اصل حالت میں اس کے پھول بہت خوبصورت اور دلربا ھوتے ہیں۔ مرجھانے اور خشک ھونے پر اپنی دلربائی اور حسن کھو دیتے ہیں۔ ایک صاحب خشک کنول کے پھول کو اٹھا کر کہنے لگے لو جی لوگ بھی بے وقوف ہیں۔ کیا یہی کنول کا پھول ھے‘ لوگ جس کی تعریف کرتے ہیں؟ میں نے کہا کہ یہ خشک ھو کر اپنا حسن کھو چکا ھے لیکن اس کے وہ فائدے ہرگز ضائع نہیں ھوئے جو اس کے بطور دوا استعمال میں پوشیدہ ہیں۔

#درد_سر_دائمی : –

کنول درد سر کا علاج ھے۔
گرمیوں میں شدید درد ھوتا ھے یا گرم تلی ھوئی اشیاء 4 کے کھانے سے زیادہ درد ھوتا ھے تو ایسے درد سر کو صفراوی درد کہتے ہیں۔نیلو فر اس کا بہترین علاج ھے۔
اس کا شربت پئیں یا پھول رات کو ایک کپ گرم پانی میں بھگو رکھیں۔ صبح مل چھان کر ہلکا میٹھا ملا کر پی لیں۔

#درد_شقیقہ : –

آدھے سر کا درد اگر بائیں طرف ھو تو اس کا علاج نیلو فر سے کیا جائے تو کامیاب ھے۔ اس درد میں مریض کو بعض اوقات قے بھی ھو جاتی ھے اور مریض محسوس کرتا ھے کہ سورج نکلتے ہی درد شروع ھو جاتا ھے۔ جوں جوں سورج نکلتا ھے درد بڑھتا ھے حتیٰ کہ سورج جب غروب ھونے لگتا ھے تو درد کم ھونا شروع ھو جاتا ھے۔ یہ درد اگر بائیں طرف ھو تو اس کا علاج ٹھنڈی چیزیں ہیں اور ان میں نیلو فر کو اولین حیثیت حاصل ھے ۔

#بے_خوابی : –

جب تک ہم روحانی دنیا کے قریب تھے یہ مرض نہیں تھا جب سے ہم مادی دنیا کے قریب تر ھوئے ہیں اس مرض نے گھیر لیا ھے۔ پھر اس کے علاج کیلئے طرح طرح کی ادویات گولیاں انجکشن استعمال کئے جاتے ہیں۔ بعض اوقات بے خوابی کی وجہ دماغی پردوں کی خشکی ھوتی ھے اور مریض خواب آور گولیوں سے وقت گزارتا ھے لیکن یہ گولیاں وقتی طور پر تو فائدہ دیتی ہیں جبکہ خشکی مزید بڑھتی رہتی ھے۔ حتیٰ کہ یہ گولیاں بھی بے اثر ھو جاتی ہیں۔
پھر مریض اس سے زیادہ طاقت ور گولیاں استعمال کرتا ھے حالانکہ اس کا مرض خشکی سے شروع ھوا تھا۔ تری پر ختم ھو سکتا تھا لیکن مزید خشک ادویات استعمال کرنے سے مرض میں اضافہ ھوتا ھے ایسی کیفیات کیلئے نیلو فر کا تیل، شربت اور اکیلا سفوف بھی مفید تر ھے –

#شربت_نیلوفر : –

گل نیلوفر ۱ کلو‘ دانہ الائچی خورد 100 گرام‘ صندل سفید 100 گرام تمام ادویہ کو دھیمی آنچ پر سات کلو پانی میں جوش دیں۔ جب پانی چار کلو باقی بچے تو ٹھنڈا کریں اور مل چھان کر اس پانی میں پانچ کلو چینی ڈال کر شربت کی طرح دھیمی آنچ پر پکائیں۔ گاڑھا کر کے محفوظ رکھیں۔ خوراک 3 سے 5 تولہ تک دن میں دو سے چار بار۔ ہائی بلڈ پریشر میں لا جواب شربت ھے۔ جب کسی دوا سے بلڈ پریشر کنٹرول نہ ھوتا ھو تو ایسی کیفیت میں یہ شربت بہت ہی زیادہ مفید ھے۔ بلڈ پریشر کو نارمل کرتا ھے۔ نیز دل کو تقویت دیتا ھے۔

#خفقان_القلب : – ☆

دل کی غیر معمولی دھڑکن یعنی کسی غم یا غصے کی بات پر دل کی دھڑکن بے قابو ھو جانا‘ یا دوڑنے ‘ اوپر نیچے حرکت کرنے‘ سیڑھیوں پر چڑھنے اترنے سے دل کی دھڑکن اور پھر سانس کا پھولنا ان حالات میں شربت نیلو فر مفید ھے۔ نیز بیماری کے بعد دل کی کمزوری، دھوپ کی گرمی بھی برداشت نہ کر سکنا، ان تمام کیفیات میں شربت نیلوفر مفید ھے۔

#جگر_کی_گرمی : – ☆

گرمیوں کے موسم میں گرمی کے مریض سینے پر پانی ڈالتے ہیں ،چہرے پر ٹھنڈا پانی چھڑکتے ہیں، بار بار کا نہانا‘ ٹھنڈی اشیاء 4 کی طرف رغبت‘ دھوپ اور آگ سے شدید نفرت وغیرہ یہ تمام علامات حرارت جگر کی ہیں۔ ان علامات میں شربت نیلوفر مفید ھے۔

#یرقان : –

یرقان صفراوی میں شربت نیلو فر مفید ھے۔ حتیٰ کہ جب یرقان کے مریض کو بار بار پیاس لگے ‘ پیشاب جل کر آئے‘ بھوک ختم ھو جائے، منہ کا ذائقہ ختم ھو کر کڑوا ھو جائے تو یہ شربت مفید تر ھے۔

#سوزش_بول : –

ہاتھ پاؤں کی جلن‘ پیشاب کی جلن‘ آنکھوں سے گرمی نکلنا، تمام بدن کا گرم ھونا یہ تمام علامات شربت نیلوفر سے ختم ھو سکتی ہیں۔ نکسیر: گرمی کے موسم میں خاص طور پر اور موسم سرما میں کبھی کبھار بعض لوگوں کو نکسیر آ جاتی ھے وقتی علاج کے بعد اس کا مستقل علاج نہیں کیا جاتا۔ اس مرض میں شربت نیلو فر مفید تر ھے۔ تین ماہ تک استعمال کرائیں۔

#ذکاوت_حس_و_جریان : –

ان امراض کے لئے شربت نیلو فر کے لاجواب اثرات مسلمہ ہیں‘ مستقل استعمال کثرت احتلام کو مفید ھے۔

#الرجی : – ☆

الرجی چاہے اس کا سبب ہسٹامین ھو یا جگر کا فعل و صفراء کا بڑھنا شربت نیلو فر اس کیلئے مفید ھے۔ جلد پر نشان پڑ جاتے ھوں یا خارش شروع ھو جاتی ھو اس کیلئے بھی مفید ھے‘ معدے کی گرمی‘ تیزابیت اور ترشی کیلئے بھی شربت نیلوفر بہت مفید ھے –
طالب دعا
مولانا حکیم سیف اللہ طالب قاسمی میرٹھی
طالب دواخانہ گلاوٹھی بلند شہر یوپی الہند 203408
9897440400
9058315004. हकीम सैफुल्ला कासमी