پاکستان : انتخابات کے لیے پولنگ کا وقت ختم ہونے, گنتی کا عمل جاری

پاکستان میں آج آٹھ فروری کو ہونے والے پارلیمانی انتخابات کے لیے پولنگ کا وقت ختم ہونے کے بعد ووٹوں کی گنتی کا عمل جاری ہے۔

انتخابات کے کامیاب انعقاد پر مبارک باد پیش کرتا ہوں، نگران وزیر اعظم
پاکستان کے نگران وزیر اعظم انوارالحق کاکڑ نے پارلیمانی انتخابات کے کامیاب انعقاد پر عوام کا شکریہ ادا کرتے ہوئے مبارک باد پیش کی ہے۔
سماجی رابطوں کی ویب سائٹ ایکس پر اپنے پیغام میں انہوں نے ’منصفانہ انتخابات کے انعقاد‘ کو یقینی بنانے پر ملکی الیکشن کمیشن، نگران صوبائی حکومتوں، سکیورٹی فورسز سمیت دیگر اداروں کی کوششوں کو بھی سراہا۔
انہوں نے اس امید کا اظہار بھی کیا کہ یہ انتخابات پاکستان کے روشن اور خوش حال مستقبل کا پیش خیمہ ثابت ہوں گے۔

موبائل فون سروس جزوی طور پر بحال: وزارت داخلہ
پاکستانی وزارت داخلہ نے اعلان کیا ہے کہ کچھ علاقوں میں موبائل ٹیلی فون سروسز ’جزوی طور پر بحال‘ کر دی گئی ہیں۔
جن علاقوں میں موبائل فون سروسز بحال کی گئی ہیں ان میں جنوبی پنجاب اور بلوچستان کے کچھ شہر شامل ہیں جب کہ کراچی کے علاوہ سندھ کے زیادہ تر علاقوں میں بھی موبائل فون سروسز بحال کی دی گئی ہیں۔

ڈی ڈبلیو کے نامہ نگاروں کے مطابق پولنگ کا وقت ختم ہونے کے باوجود پولنگ اسٹیشنوں کی حدود کے اندر موجود افراد کو ووٹ ڈالنے کا حق دیا جا رہا ہے۔ تاہم کئی حلقوں میں بعض افراد ایسے بھی تھے جو مقررہ وقت پر پولنگ اسٹیشنوں کے اندر داخل نہ ہو سکے اور یوں اپنے ووٹ کا حق استعمال کرنے سے محروم رہ گئے۔

لاہور میں موجود ہمارے نمائندے تنویر شہزاد کے مطابق لاہور کے مختلف پولنگ اسٹیشن پہنچنے والے ووٹرز کی تعداد مختلف رہی۔ تاہم پولنگ اسٹیشنوں کے باہر لگی طویل قطاروں سے اندازہ ہوتا ہے کہ اس مرتبہ ووٹنگ ٹرن آؤٹ گزشتہ انتخابات کے مقابلے میں نستباﹰ زیادہ رہا۔

قبل ازیں خیال کیا جا رہا تھا کہ پولنگ کے لیے وقت میں کچھ اضافہ کر دیا جائے گا تاہم پاکستان الیکشن کمیشن نے یہ وقت ختم ہونے سے پہلے ہی اس بات کا اعلان کر دیا تھا کہ وقت میں اضافہ نہیں ہو گا۔

لاہور کے مختلف پولنگ اسٹیشنوں کے باہر ووٹنگ کا وقت ختم ہونے کے باوجود بڑی تعداد میں ووٹرز موجود تھے۔

ان انتخابات کے لیے پاکستان کی کُل 241 ملین کی آبادی میں سے 128 ملین کے قریب افراد حق رائے دہی کے اہل تھے۔ ان انتخابات میں ملک کی قومی اسمبلی میں پہنچنے کے لیے انتخابات لڑنے والے امیدواروں کی تعداد 5,121 ہے، جبکہ صوبائی اسمبلیوں کے لیے مجموعی طور پر امیدواروں کی تعداد 12,695۔

خیال رہے کہ قومی اسمبلی کی کُل 336 نشستوں میں سے 266 کا فیصلہ براہ راست ووٹنگ سے ہونا ہے جبکہ 70 نشستیں خواتین اور اقلیتوں کے لیے مختص ہیں۔ ان میں سے 60 خواتین اور 10 اقلیتی برادری کے لیے مخصوص ہیں۔

جن پولنگ اسٹیشنوں پر ووٹنگ کا سلسلہ مکمل ہو گیا ہے وہاں ووٹوں کی گنتی کا سلسلہ شروع ہو گیا ہے۔ پاکستانی الیکشن کمیشن کی طرف سے جاری کردہ انتخابی ضابطہ اخلاق کے مطابق ملکی میڈیا شام چھ بجے سے پہلے کسی ابتدائی یا غیر حتمی انتخابی نتیجے کا اعلان نہیں کر سکتا۔

Anwaar ul Haq Kakar
@anwaar_kakar
I deeply thank and congratulate the nation on successful conduct of General Elections-2024.
I appreciate the efforts of Election Commission of Pakistan, Interim Provincial Governments, Armed Forces, Civil Armed Forces, Police, law enforcement agencies, election staff, media and all those institutions and individuals who contributed to the conduct of the free and fair elections.
This momentous occasion is not just a testament to the resilience and strength of our democratic processes but also to the indomitable spirit of the Pakistani people.
The participation and enthusiasm of people of Pakistan have been the cornerstone of this democratic exercise. The high voter turnout is a clear indication of public commitment to shaping the future of our country. The voices, expressed through the votes, will contribute to the fortification of our democracy, and for that, people of Pakistan deserve every bit of appreciation.
Despite few incidents of terrorism in Khyber Pakhtunkhwa and Balochistan the efforts of Armed Forces, Civil Armed Forces, LEAs, Civilian Administration and Election Commission of Pakistan for conducting free and fair election across the country are commendable. Their unwavering commitment to their duties has been instrumental in the smooth conduct of the elections.
In the face of adversity, the people of Pakistan have shown remarkable courage and determination. Your resolve in the aftermath of the recent terrorism incidents, continuing to participate in the electoral process, is a powerful statement against the forces that seek to destabilize our nation. It underscores our collective desire for peace, stability, and prosperity.
Once again, I congratulate the nation on this historic achievement. May this election be a harbinger of a brighter, more prosperous future for Pakistan.