پٹنہ – اشاعت ؍نشریات کے لیے صداقت آشرم میں شری بابو کایوم پیدائش منایا گیا

Taasir Patna
===========
اشاعت؍نشریات کے لیے
صداقت آشرم میں شری بابو کایوم پیدائش منایا گیا
پٹنہ، 26 اکتوبر 2023
آج کانگریس کے ریاستی ہیڈکوارٹر صداقت آشرم نے ایک تاریخی لمحے کا مشاہدہ کیا جب بہار کے پہلے وزیر اعلی شری کرشن سنگھکا 136 واںیوم پیدائش اس کےاحاطے میں پہلی بار منایا گیا۔ بہار پردیش کانگریس کے صدر ڈاکٹر اکھلیش پرساد سنگھ گزشتہ 23 سال سے شری بابو کے یوم پیدائش کو تہوار کی طرح منا رہے ہیں۔ اس باران کا یوم پیدائش ایک شاندار تقریب کی صورت میں منایا گیا۔ اس کی خاصیت یہ تھی کہ ڈاکٹر اکھلیش پرساد سنگھ پہلی بارکانگریس کے ریاستی صدر کی حیثیت سے شری بابو کا یوم پیدائش منا رہے تھے۔ بہار کی پہلی کانگریس حکومت کے سربراہ رہے ڈاکٹر شری کرشن سنگھ کا یوم پیدائش پہلی بار کانگریس ہیڈکوارٹر کےاحاطے میں منایا گیا۔ ریاست بھر سےآئےکانگریس کے تقریباً بارہ ہزارکارکنوں سے کھچا کھچ بھرے صداقت آشرم کا احاطہ آج بہت الگنظر آیا۔ راشٹریہ جنتا دل کے صدر لالو پرساد یادو نے اس تقریب کا افتتاح کیا اور سمرن جی مہاراج نے دیپ جلا کراس کا آغاز کیا۔ راجیہ سبھا میں کانگریس کے ڈپٹی لیڈر پرمود تیواری اس تقریب کے مہمان خصوصی تھے۔ پارٹی ہائی کمان کی جانب سے قومی جنرل سکریٹری طارق انور اور قومی سکریٹری اجے کپور نے اس میں شرکت کی۔

ڈاکٹر اکھلیش پرساد سنگھ نے اپنی صدارتی تقریر میں کہا کہ جب وہ سال 2000 میں پہلی بار ایم ایل اے منتخب ہوئے تھے تو لالو یادو نے انہیں شری بابوکا یوم پیدائش منانے کی ترغیب دی تھی۔ انہوں نے کہا کہ شری بابو جدید بہار کےمعمار تھے جنہوں نے صنعت، زراعت، آبپاشی اور تعلیم کے شعبوں میں اپنے کارناموں سے تاریخ کو توقیر بخشی ۔ جب وہ وزیر اعلیٰ تھے تو انہوں نے خود دیوگھر کے ویدیا ناتھ مندر میں کھڑے ہو کر دلتوں کو داخلے کی اجازت دی تھی۔ اس کے علاوہ انہوںنے زمینداری نظام کو ختم کر دیا حالانکہ ریاست میں زیادہ تر جاگیردار ان کی اپنی ذات برادری کے تھے لیکن شری بابو نے غریب لوگوں کو ان کا حق دلانے میں ایک سیکنڈ بھی نہیں لگایا۔
آر جے ڈی سربراہ لالو یادو نے اپنے جانے پہچانے انداز میں مرکز کی بی جے پی حکومت پر حملہ کیا۔ ‘بی جے پی ہٹاؤ، ملک بچاؤ کا نعرہ دیتے ہوئے، انہوں نے یقین ظاہر کیا کہ بی جے پی کا صفایا ہونے والا ہے اور اس لیے وہ بوکھلائی ہوئیہے۔ پندرہ پندرہ لاکھ روپے کا جھانسہ دے کرسبھوں سے بینک کھاتہ کھلوادیا،لیکن کسی کے اکاؤنٹ میں بھی پیسہ نہیں آیا۔ یہ جھوٹوں کی حکومت ہے اسے جانا ہی پڑے گا۔
تقریب کے مہمان خصوصی پرمود تیواری نے بھی بی جے پی حکومت کا ایسٹ انڈیا کمپنی سے موازنہ کرتے ہوئے اس کی حکمرانی کی برائیوں پر حملہ کیا۔ تیواری نے کہا کہ مودی حکومت ایسٹ انڈیا کمپنی کی طرز پر کام کر رہی ہے۔ اور ملک کو اس کے چنگل سے آزاد کرانا ہماری اولین ترجیح ہے۔ بھارت کو ایک بار پھر آزاد کرنے کی ضرورت ہے۔

قانون ساز کونسلر ڈاکٹر سمیر کمار سنگھ نے تقریب کی نظامت کے فرائض انجام دئے۔
آج کی شاندار تقریب میں کانگریس کی اعلیٰ قیادت اسٹیج پر موجود تھی، جن میں کانگریس کے قومی جنرل سکریٹری طارق انور، بہار کے شریک انچارج اجے کپور،اسمبلی میں کانگریس پارٹی کےلیڈر شکیل احمد خان، سابق گورنر نکھل کمار ، سابق ریاستی صدر مدن موہن جھا، ریاستی حکومت کے وزیر مراری گوتم، آفاق عالم، سابق صدر انیل کمار شرما، سابق وزیر کرپاناتھ پاٹھک، وینا شاہی، وشو موہن شرما، برجیش پانڈے، ایم ایل سی پریم چندر مشرا، ڈاکٹر اشوک کمار، نرمل ورما، کوکب قادری، شیام سندر سنگھ دھیرج، نریندر کمار، لال بابو لال، منا تیواری، اجیت شرما، اجے کمار سنگھ، آنند شنکر، بجیندر چودھری، چھترپتی یادو، نیتو سنگھ، راجیش کمار، زائد الرحمن، سنتوش مشرا، وشواناتھ رام، بنٹی چودھری، نریندر کمار، منوج کمار سنگھ، کپل دیو پرساد یادو، مدن موہن تیواری، پرمود کمار سنگھ، ڈاکٹر اجے کمار سنگھ اور پونم پاسوان کے نام قابل ذکر ہیں۔ اس کے علاوہ ریاست کے تمام ضلع صدور اور بلاک صدور اپنے حامیوں کے ساتھ موجود تھے