پاکستان : میڈیکل اسٹورز سے کھانسی کے مضر صحت شربت اٹھا لیے گئے

پاکستانی حکام نے بتایا ہے کہ ملک بھر سے زہریلے سولوینٹ کی ملاوٹ والے مضر صحت کھانسی کے شربت مارکیٹ سے ہٹا لیے گئے ہیں۔ ان کے استعمال سے طبی پیچیدگیوں کا خطرہ ثابت ہونے کے بعد یہ قدم اُٹھایا کیا گیا ہے۔

پاکستان کی ڈرگ ریگولیٹری اتھارٹی نے بتایا ہے کہ میڈیکل اسٹورز سے کھانسی کے مضر صحت شربت اٹھوا لیے گئے ہیں۔ اطلاعات کے مطابق ان سرپس میں تھائی لینڈ سے درآمد شدہ خام مال پروپلین گلائیکول شامل کیا گیا تھا۔

درآمد شدہ پروپلین گلائیکول کے ٹیسٹ کے نتائج کے مطابق ان میں مضرصحت کثافتوں کی مقدار 25 فیصد پائی گئی، جس کے بعد ایسے تمام سرپس کو ضبط کرنے کا حکم جاری کیا گیا، جن میں یہ خام مال استعمال کیا گیا ہے۔ یہ خام مال تھائی لینڈ کی ڈرگ کمپنی ڈو کیمیکل کے لیبل کے ساتھ فروخت کیا گیا تھا۔

ڈرگ ریگولیٹری اتھارٹی آف پاکستان (ڈریپ) کے حکام نے بتایا ہے کہ کھانسی کے شربت کا درآمدی خام مال پورے ملک میں سپلائی کیا گیا تھا، اس لیے پورے ملک سے کھانسی کے شربت کا درآمدی خام مال واپس منگوانے کا حکم جاری کیا گیا ہے۔

حکام نے خبردار کیا ہے کہ اس حوالے سے کوئی بدنیتی ثابت ہوئی تو ملوث افراد کے خلاف مجرمانہ مقدمات چلائے جائیں گے۔ خبر رساں اداروں کے مطابق تھائی کمپنی ڈو کیمیکل نے فوری طور پر حکومت پاکستان کے اس اقدام پر کوئی تبصرہ نہیں کیا ہے۔

پاکستان میں ان سرپس کو ایک ایسے وقت میں میڈیکل اسٹورز سے اٹھوایا گیا ہے، جب انڈونیشیا، گیمبیا اور ازبکستان میں تقریباً تین سو بچوں کی ناگہانی موت کی ممکنہ وجہ ایسے ہی ایک مضر صحت کھانسی کو قرار دیا گیا ہے۔ عالمی ادارہ صحت کا کہنا ہے کہ ان میں سے بہت سے بچوں کی ہلاکت کی وجہ بھارت میں بننے والا کھانسی کا ایک شربت بنا۔

پاکستانی طبی حکام کا کہنا ہے کہ تفصیلی تجزیات سے واضح ہوا ہے کہ ڈو کیمیکل کا بنایا گیا کھانسی کا یہ شربت سنگین طبی پیچیدگیوں کا باعث بن سکتا ہے۔ اس لیے یہ حکم جاری کیا گیا ہے کہ کسی بھی ایسے سرپ میں اگر ڈو کیمیکل کا بنایا ہوا پروپلین گلائیکول استعمال ہوا ہے تو اسے مارکیٹ سے اٹھوا لیا جائے۔ واضح رہے کہ پاکستان میں متعدد ادویات کے لیے خام مال بیرون ممالک سے منگوایا جاتا ہے جبکہ ان کی تیاری پاکستانی فارماسوٹیکل کمپنیوں میں ہی ہوتی ہیں۔

حکام نے خبردار کیا ہے کہ اس حوالے سے کوئی بدنیتی ثابت ہوئی تو ملوث افراد کے خلاف مجرمانہ مقدمات چلائے جائیں گے۔ خبر رساں اداروں کے مطابق تھائی کمپنی ڈو کیمیکل نے فوری طور پر حکومت پاکستان کے اس اقدام پر کوئی تبصرہ نہیں کیا ہے۔

پاکستان میں ان سرپس کو ایک ایسے وقت میں میڈیکل اسٹورز سے اٹھوایا گیا ہے، جب انڈونیشیا، گیمبیا اور ازبکستان میں تقریباً تین سو بچوں کی ناگہانی موت کی ممکنہ وجہ ایسے ہی ایک مضر صحت کھانسی کو قرار دیا گیا ہے۔ عالمی ادارہ صحت کا کہنا ہے کہ ان میں سے بہت سے بچوں کی ہلاکت کی وجہ بھارت میں بننے والا کھانسی کا ایک شربت بنا۔

پاکستانی طبی حکام کا کہنا ہے کہ تفصیلی تجزیات سے واضح ہوا ہے کہ ڈو کیمیکل کا بنایا گیا کھانسی کا یہ شربت سنگین طبی پیچیدگیوں کا باعث بن سکتا ہے۔ اس لیے یہ حکم جاری کیا گیا ہے کہ کسی بھی ایسے سرپ میں اگر ڈو کیمیکل کا بنایا ہوا پروپلین گلائیکول استعمال ہوا ہے تو اسے مارکیٹ سے اٹھوا لیا جائے۔ واضح رہے کہ پاکستان میں متعدد ادویات کے لیے خام مال بیرون ممالک سے منگوایا جاتا ہے جبکہ ان کی تیاری پاکستانی فارماسوٹیکل کمپنیوں میں ہی ہوتی ہیں۔