نئی چیتنا ابھیان ۔ تبدیلی کی طرف ایک پہل” کا آغاز

Taasir Patna
=================
ڈی ایم نے قومی پروگرام “نئی چیتنا ابھیان – تبدیلی کی طرف ایک پہل” کا کیا آغاز
صنفی عدم مساوات اور صنفی بنیاد پر تشدد کی روک تھام سے متعلق قومی پروگرام “نئی چیتنا ابھیان۔تبدیلی کی طرف ایک پہل” کا آغاز ڈی ایم امن سمیر نے کلکٹریٹ آڈیٹوریم میں شمع روشن کر کیا۔نوڈل آفیسر-کم-ڈی پی او ICDS نے کہا کہ یہ پروگرام ضلع،بلاک،پنچایت اور گاؤں کی سطح پر 25 نومبر سے 20 دسمبر تک ICDS،محکمہ صحت،ذریعہ معاش،تعلیم،پنچایتی راج کے محکمے کے تعاون سے منعقد کیا جائے گا۔پروگرام کے تحت خواتین اور صنفی عدم مساوات کے خلاف ورکشاپس،عوامی آگاہی ریلیوں،سوشل میڈیا مہم،سخی مذاکروں،پاش تربیت،رنگولی مقابلہ اور حلف کے ذریعے صنف پر مبنی تشدد کی روک تھام سے متعلق مختلف سرگرمیوں کے ذریعے عام لوگوں کو آگاہ کیا جائے گا۔اس کی ڈیلی رپورٹ محکمہ تعلقات عامہ کے ذریعے دی جائے گی۔پروگرام کے دوران ہر گاؤں کی تنظیم اور کلسٹر یونین کو چیتنا کارڈ دیا جائے گا۔ڈی ایم نے ہدایت دی کہ اس پروگرام کے دوران لوگوں کو صنفی مساوات کے موضوع پر تفصیلی جانکاری دی جائے۔جس میں صنفی تناسب،تعلیم،غذائیت،مساوی مواقع، لازمتوں میں مساوی شراکت،جائیداد کے حقوق میں برابری،صحت وغیرہ میں جنس کی بنیاد پر یکسانیت کی ترغیب دی جائے۔یعنی مرد اور عورت کے درمیان کسی امتیاز کے بغیر برتاو کیا جائے۔انہوں نے کہا کہ پروگرام کا ہفتہ وار جائزہ ڈی ڈی سی کریں گی۔میٹنگ میں ڈی ڈی سی پرینکا رانی،سول سرجن ڈاکٹر ساگر دولال،ڈائرکٹر،ڈی آر ڈی اے عبدالقیوم انصاری،ایس ڈی ایم سنجے کمار رائے،تمام سینئر ڈپٹی کلکٹرس،ضلع پنچایتی راج افسر راجو،ڈی ای او کوشل کشور،تمام سی ڈی پی او،ڈسٹرکٹ مشن کوآرڈینیٹر اور صنفی ماہرین وغیرہ موجود تھے۔