مرکز بنگال طیبہ گارڈن میں منعقدہ سہ روزہ سالانہ اجلاس اختتام پذیر

Taasir Patna
===========
مرکز بنگال طیبہ گارڈن میں منعقدہ سہ روزہ سالانہ اجلاس اختتام پذیر

۵۶۱/طلبہ کی دستار بندی ،ملک کی مقتدر شخصیات سمیت ہزاروں کی تعداد میں فرزندان توحید کی شرکت
کالی کٹ /دکھن دیناجپور (عبدالکریم امجدی)
کالی کٹ جامعہ مرکز الثقافۃ السنیہ کے زیر اہتمام مغربی بنگال کے دکھن دیناجپور میں واقع مانجھی کھنڈہ میں مرکز طیبہ گارڈن میں سہ روزہ دسواں سالانہ اجلاس وپہلی تعلیمی فصل بہار یعنی دستار بندی اجلاس کا انعقاد عمل میں آیا۔ جس میں ملک کی مقتدر شخصیات سمیت ہزاروں کی تعداد میں فرزاندان توحید شریک ہوئے۔سہ روزہ کانفرنس میں ملی ومذہبی،سیاسی،سماجی اور عمائدین پر مشتمل مندوبین کے لئے الگ الگ نششت میں معلم کانفرنس،مشارہ کانفرنس،اسٹوڈینس کانفرنس،بنگالی کانفرنس،نورانی محفل اور آخر میں اجلاس عام میں خطاب ہوا۔اس مو قع پر اجلاس سے خلیفہ حضور مفتی اعظم ہند مفتی اڈیشہ محمد وجہہ القمر رضوانی،وقف بورڈ کے چیئرمین سید سرفراز احمد،مفتی کولکاتا مولانا رحمت علی مصباحی،مفتی عبدالمالک مصباحی جمشید پور،علامہ ریحان انجم مصباحی بہار،مفتی غلام حسین ثقافی ادارہ شریعہ پٹنہ بہار،نوشاد عالم مصباحی،راشد میاں مکی کچھوچھہ مقدسہ،اور کیرالہ سے ڈاکٹر عبدالحکیم ازہری،مولانا عبید اللہ ثقافی،جامعہ مرکز کے ڈائیریکٹر جنرل سی محمد فیضی نے خطاب کیا۔

اس موقع پر جامعہ مرکز الثقافۃ السنیہ کیرالا کے ڈائیریکٹر جنرل سی محمد فیضی نے جم غفیر کے مجمع سے خطاب کرتے ہوئے کہاکہ مسلمان تعلیم کو ہتھیار بنائیں،ہمار ی شناخت تعلیم یافتہ شہری کے طور پر ہونی چاہئے۔انہوں نے کہاکہ مرکز طیبہ گارڈن نے دینی وعصری تعلیم کا حسین انتظام وانصرام کیا ہے جوکہ وقت کی اہم ترین ضرورت ہے۔ہمیں دینیات کے ساتھ ڈاکٹر،انجینئر اور اعلی عصری علوم وفنون کی تعلیم حاصل کرنا ہے۔ مولاناسی محمد فیضی نے کیرالہ کی طرز پر بنگال میں تعلیم دیکھ کو بہت خوشی ہوئی،یقینا یہاں کے اراکین،محبان تعلیم کی انتھک محنت اور کوششوں کا نتیجہ ہے جو ایک چھوٹے سے وادی کو تعلیم کا کیمپس بنا دیا۔انہوں نے کہاکہ عصریات کے طلبہ عالم وفاضل ہونا قابل فخر ہے۔ اس موقع پر ڈاکٹر عبدالحکیم ازہری نے حصول تعلیم کی اہمیت پر جامع خطاب کیا۔طلبہ سے مخاطب ہوتے کہاکہ آج جدید ذرائع ابلاغ نے ہمیں روحانی تعلیم سے دور کردیا ہے۔ ضروری ہے کہ علم سیکھنے کے وقت تقویٰ،پرہیزگاری اختیار کرنا ضروری ہے۔ انہوں نے کہاکہ علم ایک نور اور روشنی ہے۔طلبہ کیلئے ضروری ہے ایمان کی حلاوت اور تقویٰ اختیار ی اور ذوق وشوق سے علم حاصل کریں۔انہوں نے کہاکہ علم حاصل کرنے کے بعد لوگوں تک پہونچانا ہے۔عمل خود بھی کریں اور عامۃ الناس کو اسکی تلقین کریں۔ادارہ کے سرپرست اعلیٰ مولانا زہیر الدین نورانی نے تمامی سامعین کا تہہ دل سے خیر مقدم کرتے ہوئے تعارفی خطاب پیش کیا۔
آخر میں عصری علوم وفنون سمیت عالم وفاضل میں گریجویشن مکمل کرنے والے ۵۶۱/طلبہ کی دستار بندی عمل میں آئی۔آخر میں صلوۃوسلام اور ملک وملت کی امن وسلامتی پر اجلاس اختتام پذیر ہوا
فوٹو کیپشن: جامعہ مرکز ڈائیریکٹر جنرل سی محمد فیضی طیبہ گارڈن کے سالانہ اجلاس سے خطاب کرتے ہوئے،جبکہ اسٹیج پردیگر معزز شرکا کو بھی دیکھا جا سکتا ہے۔
—